Dy të rinj kishin ndaluar për të bërë disa fotografi të liqenit, por automjeti i tyre, në të cilin nuk kishte askënd, ka rrëshqitur dhe ka rënë në ujë.
Informacioni është konfirmuar për “Mitropol” nga zëvendës drejtori i policisë për veriun, Veton Elshani.
Sipas dyshimeve të para, shoferi dhe pasagjeri nuk e kishin tërhequr frenin e dorës. Fatmirësisht, nuk ka persona të lënduar, ndërsa aktualisht po vazhdon procesi i nxjerrjes së automjetit nga uji.
