Pas 55 viteve nga restaurimi i parë i Kishës në Trepçë, Kisha Sase e shek XIII-të gjatë javës së kaluar ka filluar restaurimin e dytë.
Kisha Sase Katolike “Shën Pjetri” e cila intervenimin e parë për restaurim e kishte gjatë vitit 1967, ka filluar restaurimin e saj pas 55 viteve nga Ministria e Kulturës. Siç e dini edhe ju ky objekt kulti i mbrojtur nga Ministria e Kultures ka qenë afër shkatrrimit nga mos intervenimi i organeve pergjegjëse.
Shoqëria Civile e Mitrovicës me theks të veçant Mitrovica Guide disa herë ka reaguar edhe për këtë objekt si dhe për objektet tjera që ishin e që janë në rrezik.
Kisha Sase gjendet rreth 9 kilometra në lindje të qytetit të Mitrovicës, në Stantërg, komuna e Mitrovicës. E njohur në popull më shumë si kisha sase për herë të parë është përmendur në një letër të Papa Benedikti XI në vitin 1303 si seli e “famullisë katolike në Trepçë”. Sasët ishin njohës të nxjerrjes dhe të përpunimit të xeheve, të cilët u vendosen në këtë lokalitet.
Nga të dhënat e shkruara del që kjo kishë ka qenë në funksion deri në shekullin XVI (përkundër faktit që sasët që në pjesën e parë të shekullit XV nuk jetonin më në Trepçë). Kështu në këtë kohë në Trepçë përveç Kishës Saksone të Shën Pjetrit përmendet edhe Kisha Katolike e Shën Mërisë.
Në fillim të shekullit XVII kisha e Shën Pjetrit u braktis plotësisht kjo kishë është restauruar vetëm një herë në vitin 1967. Sot Kisha Saksone “Shën Pjetri” në Stantërg është pothuaj e tëra në rrënoja.
@mitrovicaguide
@ministriaekultures.rks
