Në Mitrovicë rritet numri i të shëruarve !
Drejtoria për Shëndetësi në bazë të informatave zyrtare të pranuara nga Instituti Kombëtar i Shëndetësisë Publike, bën të ditur se prej datës 07.09.2020 deri me datë 14.09.2020 në Mitrovicë kemi pasur rënie të numrit të rasteve pozitive me virusin CoVid19, dhe rritje të numrit të të shëruarve nga ky virus.
Dhe në bazë të këtyre rezultateve të pranuara nga IKShP-ja është shënuar një ngritje e dukshme e rasteve të shëruarve në krahasim me rastet pozitive, ku kemi gjithsej 38 të shëruar dhe 14 raste pozitive.
Me këtë rast, drejtoresha e Shëndetësisë, Erseka Hasanaj Barani, falënderon gjithë qytetarët mitrovicas për ngritjen e vetëdijes në respektimin e masave mbrojtëse të rekomanduar nga institucionet shëndetësore, si dhe akterët relevant që kontribuojnë në zbatimin e këtyre masave siç janë Policia Rajonale dhe Drejtoria e Inspekcionit, të cilët vazhdimisht janë duke monitoruar qytetarët dhe bizneset për respektimin e këtyre masave.
