Trepça ka gjetur pasuesin e Egin Gencoglu, duke arritur marrëveshje me ish trajnerin e Golden Eagle Yllit, Adis Beciragic, kështu merr vesh Gazeta Nacionale me burime pranë klubit.
Skuadra mitrovicase humbi titullin në finale nga Peja, atë duke pësuar humbje në shtëpi, pra në “Minatori” të enjten mbrëma.
Nuk ka vonuar shumë dhe Trepça ka gjetur trajnerin e ri, pasi siç mëson Gazeta Nacionale kanë arritur marrëveshje me Beciragic, i cili pritet të zyrtarizohet së shpejti.
Beciragic vazhdon të jetë një emër shumë i njohur në Kosovë, pasi arriti një rekord fantastik me Golden Eagle Yllit duke fituar dy herë titullin e kampionit të Kosovës, por pastaj u largua pasi këtë edicion pasi pësuan humbje në gjysmëfinale nga Peja.
Nacionale gjithashtu mëson se Beciragic ka pasur disa oferta nga jashtë, por në fund vendosi ta vazhdojë karrierën në Kosovë duke i dhënë fjalën skuadrës mitrovicase.
Kujtojmë, tekniku boshnjak fitoi edhe Kupën e Kosovës me skuadrën e Pejës, derisa në të kaluarën ishte përzgjedhës i kombëtares së Bosnjës.
Synimi i madh me për Beciragic edicionin tjetër do të jetë padyshim titulli kampion, trofe të cilin Trepça po e synon që më shumë se një dekadë. Kujtojmë, hera e fundit kur titulli shkoi në Mitrovicë ishte edicioni 2011/12.
