Në vazhdën e zhvillimve të fundit, shkollat në veri të Kosovës kanë vendosur që të ndërpresin mësimin për shkak të prezencës së policëve të Kosovës. Vendimi u mor për të garantuar sigurinë dhe mirëqenien e mësuesve dhe nxënësve, raporton Kosovo-Online.
Sipas raportimeve, vendimi erdhi pas shqetësimeve të shumta të prindërve, të cilët shprehën frikën dhe shqetësimin për sigurinë e fëmijëve të tyre.
Në një takim ku morën pjesë drejtorët e shkollave nga veriu i Kosovës, së bashku me kreun e Drejtorsë së Shkollës, u mor vendim unanim për ndërprerjen e mësimit deri në zgjidhjen e arsyeve të cekura dhe tërheqjen e policëve.
“Në të gjitha shkollat në veri të Kosovës, për shkak të pranisë së Policisë së Kosovës me mjete të plota ushtarake, mësimdhënësit dhe nxënësit nuk janë në gjendje ta zhvillojnë mësimin pa probleme dhe të sigurt, kështu që për arsyet e lartpërmendura dhe të gjitha në për interesin dhe sigurinë e nxënësve, mësimi ndërpritet derisa të ekzistojnë arsyet e cekura dhe punonjësit e policisë të mos tërhiqen. Prindërit do të njoftohen nga mësuesit e klasës se kur nxënësit do të kthehen sërish në bankat e shkollës. Në pajtim me Ligjin për bazë Sistemet Arsimore, neni 105, vendimi i është përcjellë organeve kompetente për miratim”, thuhet në deklaratë.
