Mërgimtari Burim Dibrani, së bashku me Kujtim dhe Avdull Seferi, kanë vizituar Policinë e Kosovës në Izvor në natën e Vitit të Ri, duke shprehur respekt për angazhimin e zyrtarëve policorë në ruajtjen e rendit dhe sigurisë.
Ish-luftëtari i UÇK-së, Burim Dibrani, njihet për faktin se qysh në moshën 17-vjeçare ka qenë pjesë e luftës për lirinë e Kosovës. Pas përfundimit të luftës, ai jetoi për një periudhë në mërgim, ndërsa më pas vendosi të kthehet në Kosovë për të investuar në vendlindje, konkretisht në qytetin e Mitrovicës.
Së bashku me vëllezërit Seferi, Kujtim dhe Avdull, ai investoi në hapjen e Finn Oil, i cili sot është një nga destinacionet më të frekuentuara nga qytetarët e Mitrovicës, duke ofruar shërbime të mbushjes së derivateve, restorant dhe market.
Po ashtu, Burim Dibrani dhe vëllezërit Seferi ndërtuan një nga stacionet më moderne policore në vend për Policinë e Kosovës, në Izvor. Ky investim u realizua në një periudhë kritike, kur vendi po përballej me sulme terroriste nga Serbia. Objekti policor ekzistues ishte në gjendje të rëndë dhe me kushte të papërshtatshme për punën e zyrtarëve të Policisë. Dibrani dhe vëllezërit Seferi morën iniciativën për ta rindërtuar atë, duke e funksionalizuar në kohë rekord dhe duke krijuar kushte më të favorshme pune për zyrtarët policorë.
Angazhimi i Burim Dibranit, si gjatë luftës ashtu edhe pas saj përmes investimeve dhe projekteve me interes publik, vlerësohet si një kontribut i vazhdueshëm ndaj Kosovës.
