Sot është raportuar për një rast të ngacmimit seksual në një shkollë fillore në komunën e Vushtrrisë, për çka përfundoi në prangat e Policisë së Kosovës një mësimdhënës.
Burimet e sinjalit bëjnë të ditur se mësimdhënësi që u arrestua nën dyshimet për ngacmim seksual ndaj nxënëses së tij është Fitim Beqiri, 35-vjeçar.
Pas përfundimit të intervistimit, me vendim të prokurorit Beqirit i është caktuar masa e ndalimit në kohëzgjatje prej 48 orësh dhe i njëjti do të hetohet nën dyshimet për kryerjen e veprës penale ‘Sulm seksual’.
Kujtojmë se rasti është konfirmuar edhe nga Policia e Kosovës përmes raportit 24 orësh.
