Një person është gjetur i vdekur në lumin e qytetit të Klinës.
Trupi i pajetë është nxjerrë nga lumi dhe është dërguar për obduksion në Institutin e Mjekësisë Ligjore.
Në ndërkohë është në proces identifikimi i trupit, pasi akoma nuk dihet se kush është viktima.
Rastin e ka konfirmuar edhe policia.
Zëdhënësi i policisë për rajonin e Pejës Fadil Gashi, tha për Klankosova.tv se trupi i pajetë i viktimës është gjetur nga një peshkatar i cili ishte duke peshkuar aty në afërsi.
“Në orën 15:35 jemi njoftuar përmes telefonit se është gjetur një person. Vdekja është konstatuar nga ekipi mjekësor. Trupi i pajetë është gjetur nga një peshkatar i cili ka qenë duke peshkuar në atë zonë dhe e ka parë një person në ujë. Jemi duke u marrë me rast. Këto janë informatat që i kemi deri më tani “- tha Gashi.
