Një rrahje ku janë përfshirë disa persona ka ndodhur në Mitrovicë, mëngjesin e hershëm të ditës së sotme, raporton Sinjali.
Pesë persona patën një mosmarrëveshje rreth orës 03:00 të mëngjesit, çka eskaloi në dhunë.
Burime të Sinjalit brenda Prokurorisë, bëjnë me dije se disa prej tyre kanë pësuar lëndime të lehta trupore dhe kanë marrë trajtim mjekësor.
Dy nga personat e përfshirë në rrahje janë pjesëtar të Forcës së Sigurisë së Kosovës.
Krejt kjo erdhi pasi në lokalin ku po qëndronin, të dyshuarit filluan ta fyejnë njëri tjetrit, e kur dolën jashtë përdorën edhe shufra metalike.
Të dyshuarit tashmë janë intervistuar nga Policia.
