Rruga Mitrovicë-Prishtinë është shndërruar në makthin e gjithë rajonit të Mitrovicës.
Torturave për të lëvizur në magjistrale, tani po i shtohet edhe një devijim i cili pritet të shtojë kolonat akoma më shumë
Në dalje të Vushtrrisë tek rruga për Samadrexhë, eskavatorët po kryenin punët përfundimtare për ta gatitur për asfalt një rrugë devijuese.
Aty u panë makineritë e asfaltit, dhe mësohet që këtyre ditëve veturat do të kalojnë anash në këtë rrugë.
Kjo po bëhet për të punuar në ndërtimin e një ure, e cila merr mjaft shumë kohë, siç mori ura në Pestovë.
Tani në magjistrale po krijohen katër devijime, duke krijuar vështirësi të lëvizjes këto kohë, sidomos gjatë verës kur trafiku rëndohet.
Sidoqoftë, punimet për magjistrale po vazhdojnë, ani pse me ritëm më të ulët krahasuar me para disa muaj, kur dhjetëra makineri punon pandalur.
Kujtojmë se rruga Mitrovicë-Prishtinë ka hyrë në vitin e 13-të që kur ka nisur të rregullohet, dhe është kthyer në turpin e secilës qeveri të këtyre viteve.
