Kryeministri i Kosovës, Albin Kurti, bashkë me Ministrin e Financave, Punës dhe Transfereve, Hekuran Murati, mbajnë konferencë për media, raporton Paparaci.
Lajmi u bë i ditur nga Zyra e Kryeministrit, në një komunikatë për media.
Konferenca, arsyeja e së cilës nuk dihet për çka është thirrur, do të mbahet tek objekti i qeverisë, duke filluar prej orës 11:00, të shtunën.
Megjithatë, Qeveria Kurti dhe SBAShKU ende nuk kanë arritur një dakordim pasi këta të fundit janë në grevë tash e disa ditë për shkak të mos-plotësimit të kërkesave të tyre.
E pikërisht për shkak të grevës, pushteti ua ka pezulluar pagat mësimdhënësve që janë në grevë duke thënë se asnjë zyrtar nuk duhet të paguhet pa punuar.
Për këtë çështje ka pasur reagime të shumta duke thënë se pushteti i LVV-së po rrëshqet në një pushtet diktatorial për shkak të vendimeve të këtilla.
