Aktivitetet e organizimit të skemave piramidale dhe bixhozit në vendin tonë janë të ndaluara me ligj dhe përbëjnë vepër penale, por kjo nuk po i ndalon qytetarët që të veprojnë kundërligjshëm.
Një çerdhe bixhozi është zbuluar edhe në qytetin e Vushtrrisë, ku në rrugën “Arsim Muzaqi” janë arrestuar 10 persona të cilët u kapën në flagrancë nga Policia.
Burimet e sinjalit kanë bërë me dije se gjatë bastisjes së lokalit, Policia ka gjetur dhe sekuestruar pajisje që shërbenin për lojëra të fatit. Bashkë me të dyshuarit është arrestuar edhe pronari i lokalit, i cili dyshohet për organizimin e lojërave të fatit dhe bixhozit.
Pas përfundimit të bastisjes dhe arrestimit të të dyshuarve, ata u dërguan në stacion policor, ku janë intervistuar për veprën me të cilën ngarkohen.
Kujtojmë se ka pasur shumë raste kohëve të fundit kur Policia ka zbuluar se në lokale të ndryshme, në disa qytete e fshatra janë organizuar lojëra të tilla.
