EULEX-i ka njoftuar se ka përcjellë një kolonë të Policisë së Kosovës me policë të rregullt, të cilët kanë bërë rotacion, dhe kanë zëvendësuar ata në stacionin policor në Leposaviq
Gjatë të shtunës në orët e pasdites, policët që kanë qenë të stacionuar në veri të Kosovës, janë zëvendësuar me disa të tjerë pas dy javëve që kishin mbetur të bllokuar në mesin e barrikadave.
Zëvendësimi i tyre është mundësuar nga misioni i sundimit të ligjit në Kosovë, EULEX, kështu kanë konfirmuar nga EULEX-i në një përgjigje për Telegrafin.
Pas dy javësh zëvendësohen policët e bllokuar në Leposaviq
Po ashtu, ata kanë thënë se kanë asistuar në këtë gjë, pas një kërkese që kanë pasur nga Policia e Kosovës.
“Pas një kërkese formale të Policisë së Kosovës, më 24 dhjetor, EULEX-i shoqëroi një kolonë të policëve të rregullt të Policisë së Kosovës, të cilët bënin rotacion dhe zëvendësonin policët e rregullt në stacionin policor në Leposaviq”, thuhet në përgjigjen e EULEX.
