Serbët lokalë të Leposaviqit kanë bllokuar rrugën në fshatin Dren e cila çon drejt Leposaviqit, shkruan Qyteti i Mitrovicës.
Arsye e bllokimit të rrugës është fakti që Policia e Kosovës ka filluar ta ndërtojë një bazë të re kufitare në këtë lokacion.
Protestë të ngjashme kishte edhe dje në po të njëjtin vend, ku i pranishëm ishte edhe kryetari i Leposaviqit, Zoran Todiq.
Ndryshe, muaj më parë, Qeveria e Kosovës ka shpronësuar disa toka në këtë pjesë.
