Emri i tij tashmë është shndërruar në simbol të bëmirësisë në trojet shqiptare. Hoxha dhe humanisti më i madh në Kosovë, Halil Kastrati para 5 ditësh dha myzhden e një projekti të ri që do nisë në Mitrovicë, njofton Mitropol.
Ai tregoi se shoqata e udhëhequr nga ai “Jetimat e Ballkanit” do ndërtojnë një Qendër të re të Mjekësisë Familjare në qytetin e Mitrovicës, për të cilën tashmë janë dakorduar me Komunën e Mitrovicës.
“Mitropol” ua sjellë fotografitë se si do duket objekti i ri i këtij institucioni shëndetësor, themelet e të cilit pritet të vihen muajin e ardhshëm.
Lokacioni ku do ndërtohet ky objekt nuk është në të njejtin vend ku ndodhet QKMF-ja e sotme, përcjell Mitropol, ndërsa vetëm platoja e parë e tij do ketë 2000 metra katrorë dhe do jetë qendra më moderne në Kosovë.
Ky nuk është projekti i parë i madh i hoxhë Halilit në Mitrovicë, pasi ai ka qenë financues edhe i 40 shtëpive të ndërtuara për familjet me asistencë sociale e që pritet të inaugurohen poashtu muajin e ardhshëm në Frashër të Mitrovicës./Mitropol/
