Një aksident trafiku ka ndodhur mëngjesin e sotëm në rrugën rajonale Mitrovicë – Skenderaj, saktësisht në fshatin Klinë e Poshtme, ku si pasojë janë lënduar katër persona.
Deri te aksidenti ka ardhur si pasojë e pakujdesisë së njërit shofer, i cili ka tentuar që të bëjë kthim gjysmë rrethor, ku më pas është ndeshur me veturën tjetër.
Si pasojë e lëndimeve të marra, katër personat e lënduar janë dërguar në Qendrën Kryesore të Mjekësisë Familjare në Skenderaj për të marrë ndihmë mjekësore.
