Gjatë natës së mbrëmshme një grua mitrovicase ka gjuajtur me guri në drejtim të veturës zyrtare të Policisë së Kosovës, shkruan Mitropol.
Rasti ka ndodhur në afërsi të sheshit “Isa Boletini”, bën të ditur raporti policor.
Gruaja e dyshuar ka dëmtuar veturën e Policisë së Kosovës, me ç’rast edhe është arrestuar.
Duhet theksuar se gjatë kontrollit të dyshuarës i janë gjetur një sprej dhe një thikë.
Me vendim të prokurorit e dyshuara është dërguar në mbajtje.
