Nasuf Bejta pritet të zëvendësojnë deputetin Fitim Uka në Kuvendin e Kosovës, pasi ky i fundit paralajmëroi lirimin e postit për shkak se dëshiron të kthehet në profesionin si ligjërues në Universitetin e Prishtinës.
Në zgjedhjet e fundit parlamentare të mbajtura më 14 shkurt 2021, Bejta kishte garuar me Listën Guxo.
Bazuar në rezultatet e bëra publike nga Komisioni Qendror i Zgjedhjeve, Nasuf Bejta, rezulton të ketë mbledhur 5.763 vota.
Përveç garës për deputet, Bejta kishte hyrë edhe në një garë tjetër vitin e kaluar. Ai ishte kundërkandidat i Vjosa Osmanit në garën për president të Republikës së Kosovës.
Por, në këtë garë, Bejta nuk kishte arritur të marrë asnjë votë nga 82 deputetët që votuan në raundin e tretë, më 4 prill./Lajmi.net/
