Në ambientet e Hotel “Dodona” në Bajgorë është hapur ekspozita e punimeve në pikturë “Mitrovica Art Colony” 2020, ku punimet e tyre artistike i kanë shfaqur piktorë të njohur nga Kosova, dhe mbarëkombëtar.
Në hapjen e kësaj ekspozite, nënkryetari i komunës, Faruk Mujka, tha se piktorët e shumtë që kanë marrë pjesë në Koloninë e Piktorëve në Mitrovicë, e kanë nderuar Mitrovicën dhe qytetarët e saj, si me pjesëmarrje ashtu edhe me punime të shkëlqyeshme me motive nga qyteti dhe bukuritë e Shalës së Bajgorës.
Ndërsa drejtori për Kulturë, Rini dhe Sport, Tafil Peci, tha se ekspozita tashmë tradicionale, këtë vit është begatuar me punime të bukura dhe me vlera të larta artistike.
Ai falënderoi piktorët të cilët gjatë kësaj kolonie kanë frekuentuar vendet më të bukura të Shalës së Bajgorës duke realizuar kështu piktura të shkëlqyeshme.
Në përfundim të kësaj ekspozite, për të gjithë pjesëmarrësit janë ndarë edhe mirënjohje nga nënkryetari Mujka, drejtori Peci dhe kryetari i Shoqatës së Artistëve Figurativ të Mitrovicës, Shyqyri Çeliku.
