Deputeti i Partisë Demokratike të Kosovës (PDK),Bekim Haxhiu, ka dërguar në kuvend propozimin e tij për lejimin e tërheqjes së 30% të Trustit për qytetarët.
Këtë ai e ka parë si të domosdoshme pas shtrenjtimit të rrymës dhe çmimeve tjera.
Rreth një muaji më parë, Haxhiu ka kërkuar që qytetarëve t’u mundësohet tërheqja e mjeteve nga Trusti deri në 30 %.
“Me kërkesë të shumë qytetarëve ri-propozoj: Tërheqjen e mjeteve financiare për qytetarët nga Trusti Pensional deri në 30%. Pas shtrenjtimit të rrymës dhe të gjitha produkteve të konsumit ditor është mëse e nevojshme që Qeveria ta sjell në votim propozimin tim për tërheqjen e Trustit Pensional deri në 30%”, tha ai.
Sipas tij, propozim-amandamenti do të ndikojë në rimëkëmbje ekonomike dhe mbështetje për qytetarët:
1. Personat që kanë kursime pensionale në shumën më pak se 10.000 Euro, kanë të drejtë t’i tërheqin deri në tridhjetë përqind (30%) të kursimeve të tyre pensionale në FKPK.
2. Personat që kanë kursime pensionale në shumën prej 10.000 Euro deri në 19. 999 Euro, kanë të drejtë t’i tërheqin deri në njëzetepesë për qind (25%) të kursimeve të tyre pensionale në FKPK.
3. Personat që kanë kursime pensionale në shumën prej 20.000 Euro deri në 29. 999 Euro, kanë të drejtë t’i tërheqin deri nënjëzetë përqind (20 %) të kursimeve të tyre pensionale në FKPK.