Ministri i Bujqësisë, Faton Peci ka dalur sërish në terren.
Kësaj radhe, ai ka vizituar një fermer në fshatin Novolan të Vushtrrisë, i cili përmes aktivitetit të tij blegtoral prodhon rreth 240 litra qumësht në ditë në një fermë, shkruan qyteti i Mitrovices.
Peci tha se blegtori Ramadan Hyseni shtallën e ka me qira mirëpo ky fakt nuk e pengon që ai të jetë një fermer i zellshëm dhe i vyer.
Ministri u zotua se fermerë si Ramadani do të kenë mundësitë për të përfituar përkrahje financiare në ndërtimin e shtallave të reja apo edhe zgjërimit të kapaciteteve ekzistuese.
Postimi i plotë:
🐄Fermeri Ramadan Hyseni nga fshati Novolan i Komunës së Vushtrrisë mbarështon 27 krerë lopë, 14 krerë mështjerra, 17 krerë viça, 30 krerë dhi dhe rreth 20 krerë keca.
🐐Ramadani përmes aktivitetit të tij blegtoral prodhon rreth 240 litra qumësht në ditë në një fermë, shtallën e së cilës e ka me qira miirëpo ky fakt nuk e pengon që ai të jetë një fermer i zellshëm dhe i vyer.
🐑Blegtoria është një sektor me potencial për zhvillim andaj edhe në të ardhmen do t’i fokusojmë politikat tona drejt konsolidimit dhe avancimit të mëtejmë të këtij sektori.
🔄Përmes Programit për Zhvillim Rural / Granteve, fermerë si Ramadani do të kenë mundësitë për të përfituar përkrahje financiare në ndërtimin e shtallave të reja apo edhe zgjërimit të kapaciteteve ekzistuese.
Afër prodhuesve vendorë! 🇽🇰
