Një person është arrestuar mëngjesin e djeshëm në Aeroportin Ndërkombëtar të Prishtinës ‘Adem Jashari’, pasi i njëjti ishte në kërkim policor tash e një kohë, raporton Gazeta Sinjali.
Sinjali mëson se 39-vjeçari u kap gjatë kontrollit të aeroplanit i cili po bëhej pas aterimit të aeroplanit nga Zvicra në Prishtinë.
Sipas burimeve ndaj tij kishte urdhër arrest aktiv nga Gjykata Themelore në Mitrovicë.
Pas arrestimit, i dyshuari është dërguar në degën e Gjykatës në Skenderaj.
