Para pak minutash KFOR-i ka lejuar Njësinë Speciale të Policisë së Kosovës që të kalojë në Leposaviq.
Burime të Indeksonline bëjnë të ditur se njësitet Speciale kanë kaluar pengesën e vendosur tek “Nothing Hill” dhe janë nisur drejt komunës së Leposaviqit për të zënë terren.
KFOR-i ka marrë vendim që nga sot mos të lejojë më ministrat dhe zyrtarët e lartë shtetërorë për të vizituar kryetarin e “ngujuar” në Leposaviq.
Sipas KFOR-it, vizita të tilla provokojnë situatën aktuale dhe nuk ka siguri të mjaftueshme për veprime të tilla.
