Pas arrestimit të tij nga inteligjenca serbe, kryetari i Partisë Republikane të Serbisë, Nikola Sanduloviq, është dërguar në Spitalin Mjekësor Ushtarak.
Pas arrestimit të tij nga inteligjenca serbe, kryetari i Partisë Republikane të Serbisë, Nikola Sanduloviq, është dërguar në Spitalin Mjekësor Ushtarak që ndodhet në Beograd.
Njoftimin e ka dhënë avokati serb, Cedomir Stojkoviq.
“Pasi u dërgua dje në një vend të panjohur nga pjesëtarët e shërbimit të sigurimit serb, Nikola Sanduloviq sot në mëngjes është paraqitur në VMA (Spitali Mjekësor Ushtarak). Sapo jam njoftuar nga gruaja e tij, e cila më ka lajmëruar se ai është nën vëzhgimin e pjesëtarëve të policisë dhe shërbimit inteligjent dhe se nuk e lënë ta shohë, as nuk i thonë pse është aty apo si është shëndeti i tij” ka shkruar Stojkoviq.
“I kërkoj komunitetit ndërkombëtar që të injorojë shijet e ndryshme politike dhe të veprojë në parim në këtë rast”, ka shkruar avokati serb.
Politikani serb, Nikola Sanduloviq, kishte vizituar Kompleksin Memorial në Prekaz. Ai ka thënë se është politikani i vetëm serb, i cili ka kërkuar falje për krimet e bëra nga Serbia në Kosovë.
“Si mund të jetë Kosova zemra e Serbisë kur ti president i Republikës së Serbisë nuk mund të hysh në Kosovë derisa Albin Kurti mos të lejojë! Së pari ti president i Serbisë, kriminel lufte të kërkosh falje dhe ta pranosh krimin që ka ndodhur në Reçak, pastaj të hysh [në Kosovë]! Bravo Albin Kurti”, ka shkruar Sanduloviq.
Më 17 shkurt, në 15-vjetorin e pavarësisë, Sanduloviq kishte vizituar Kosovën.
I shoqëruar nga krerët e shtetit të Kosovës, Sanduloviq pas homazheve kishte se do të bëjë gjithçka që kriminelët që kryen një krim kaq të tmerrshëm të përgjigjen.
