Tre persona kanë mbetur të lënduar si pasojë e një vetaksidentit të ndodhur mbrëmjen e së dielës në magjistralen Mitrovicë–Prishtinë.
Lajmin e ka bërë të ditur zëdhënësi i Policisë së Kosovës për rajonin e Mitrovicës, Avni Zahiti, i cili tha se tre të lënduarit janë dërguar për trajtim mjekësor.
“Si pasojë e aksidentit, tre persona kanë pësuar lëndime trupore dhe janë dërguar për trajtim mjekësor. Njësitet policore kanë dalë në vendin e ngjarjes dhe kanë nisur hetimet për të sqaruar shkaqet dhe rrethanat e aksidentit”, ka bërë të ditur Zahiti.
