Kurti ka deklaruar se Serbia vazhdon të ndërtojë struktura ilegale, duke u shprehur se problematike është mirëmbajtja e “lidhjeve të ngushta” të Serbisë me Rusinë.
Në lidhje me njërën nga masat e reja reciproke, përkatësisht për lëshimin e dokumenteve për hyrje-dalje, Kurti tha se me presidentin serb, Aleksandar Vuçiq, mund të pajtohet nëse edhe ai heq dorë nga ato.
Kryeministri është shprehur se as presidenti rus, Vladimir Putin e as Vuçiq, nuk mund të abuzojnë me minoritetin serb të Kosovës.
“Qytetarët e rëndomtë nuk marrin pjesë në politikat luftënxitëse kundër shtetit tonë”, tha Kurti.
Por sipas tij, një gjë të tillë e bëjnë ata që janë nën paga të Beogradit, të cilët i quan kriminel që nxisin trazira qëllimisht.
