Kryetari i Listës Serbe Goran Rakiq, që është ministër për Kthim e Komunitete në Qeverinë e Kosovës, ka thënë se në rast se autoritetet kosovare nisin me konfiskimin e veturave me regjistrimet KM, atëherë ata do bllokojnë gjitha hyrjet-daljet në veri të Kosovës.
Pas takimit me presidentin e Serbisë, Aleksandar Vuçiq në Beograd, Rakiq tha se do i bëjnë rezistencë demokratike e paqësore në rast se njësitet policore kosovare nisin me konfiskimin e asaj që ai e quajti “pronë të serbëve “ përfshirë këtu edhe targat KM të cilat deri më 31 tetor kanë afat të shndërrohen në RKS, njofton Klankosova.tv.
