Forca të shtuara të Njësisë Speciale të Kosovës janë vendosur në Mitrovicë që nga mbrëmë.
Policia do të jetë e gatshme për ditën ku përfundon afati për konvertim të targave, ku deri tani vetëm 20 serbë kanë regjistruar automjetet në RKS.
Siç raportohet, Njësia Speciale do të jetë e pranishme dhe në gjendje gatishmërie në diten kur përfundon afati i targave.
Besohet se afër 10.000 targa të tilla qarkullojnë në katër komunat në veri të Kosovës, që banohen me shumicë serbe.
Bashkimi Evropian dhe Shtetet e Bashkuara kanë kërkuar që Kosova dhe Serbia të shmangin tensionet. Po ashtu, Kosovës i është kërkuar që të shtyjë afatin për rigjestrim për 10 muaj.
