Komisioni Disiplinor i shkallës së parë në mbledhjen e mbajtur me datë 02.11.2022 shqyrtoi procedurat e hapura nga Komisioni i Garave pas përfundimit të ndeshjeve të xhiros së 14-të Albi Mall Superligës, xhiros së 12-të të Viva Fresh Ligës së Parë, Grupi A dhe B.
Pas shqyrtimit komplet të materialit të siguruar nga zyrtarët e ndeshjeve dhe incizimeve televizive mori vendim për dënim me gjobë prej 1000 euro ndaj KF Trepçës, shkruan Gazeta Olle.
Kjo për arsye se tifozët “Torcida” hudhën shishe qelqi dhe kanaçe të mbushura në fushën e lojës, në udhëtim te Feronikeli 74.
Ndeshja ishte ndërprerë për 60 minuta, derisa tifozëria mitrovica u largua nga stafiumi.
Vendimi i plotë nga Komisioni disiplinor.
KF ”Trepça”. Në minutën 10-të të ndeshjes Feronikeli 74 – Trepça, tifozët mysafirë ”TORCIDA” hudhin fishekzjarre në fushën e lojës, ndërkaq me të filluar pjesa e dytë prapë hudhin fishekzjarre në fushën e lojës, për çka gjyqtari kryesor është detyruar ta ndërpresë ndeshjen për dy (2) minuta. Në minutën 72, të njëjtit tifozë hudhin shishe të qelqit dhe kanaçe të mbushura, në fushën e lojës dhe si pasojë gjyqtari detyrohet prapë ta ndërpresë ndeshjen dhe të kërkojë zbrazjen e tribunave ku ishin të vendosur tifogrupi ”Torcida”. Kjo ndërprerje zgjati 60 minuta, derisa grupi problematik është larguar nga stadiumi. Sipas protokollit zyrtar të ndeshjes Feronikeli 74 – Trepça. Bazuar në nenin 52 paragrafi 1 pika C të Rregullores disiplinore; Dënohet me gjobë në shumë prej 1000euro. Afati i pagesës është 8 tetë ditë kur vendimi bëhet i plotfuqishëm. (Rregullorja disiplinore neni 11 paragrafi 1).( Recedivist).
