Familja Alushaj nga Shipoli i Mitrovicës, të dielën mbrëma, pati një situatë të pakëndshme.
Djalin e kësaj familjeje, Aliun, që është i prekur me sindromin Down, e rroki kriza epileptike, e cila iu shfaq së fundi, çka i detyroi familjarët ta thërrisnin autoambulancën për ta çuar në spitalin e Mitrovicës.
Por, sipas familjes, Aliu nuk mori tretmanin e duhur dhe, sipas tyre, mungonte edhe mjeku.
Kjo situatë e kishte lodhur edhe nënën e gjashtë fëmijëve.
Nga spitali i Mitrovicës, të hënën, ishte e pamundur marrja e një versioni për këtë çështje, me arsyetimin e drejtoreshës Luljeta Zhubi se është në pushim.
