Policia e Kosovës ka zbuluar kokainë në një shtëpi në rrugën “Vëllezërit Dragaj”, në Mitrovicë, gjatë hetimit të një rasti të dhunës në familje, raporton Gazeta Sinjali.
Burimet e Sinjalit brenda Prokurorisë kanë bërë me dije se pas kontrollimit të shtëpisë nga ana e zyrtarëve policorë, është gjetur një sasi e substancës narkotike, e llojit kokainë dhe është arrestuar një person.
I dyshuari L.M., 47-vjeçar, i cili u denoncua fillimisht për dhunë në familje tashmë do të hetohet edhe për veprën penale të posedimit të paautorizuar të narkotikëve.
Ndaj tij, Prokurori i Shtetit ka nxjerrë aktvendim për ndalimin prej 48 orësh.
