Biblioteka e qytetit të Mitrovicës “Latif Berisha” gjatë ditës së sotme është pasuruar me 200 ekzemplarë të rinj, të cilat i dhuroi për qytetarët mitrovicas autori Rrahim Sadiku, në shenjë falënderimi për përzgjedhjen e tekstit të tij për komedinë që do të shfaqet në vitin e ardhshëm në teatrin e qytetit.
Me rastin e dorëzimit të këtyre ekzemplarëve ishte i pranishëm nënkryetari i komunës, Faruk Mujka, si dhe u.d i drejtorit të teatrit të qytetit “Muharrem Qena”, Sabit Sheremeti.
Në fjalën e tij nënkryetari Mujka ka falënderuar autorin Rrahim Sadiku për gatishmërinë që të mbështes dhe të pasuroj me vepra letrare bibliotekën e qytetit tonë, duke mundësuar kështu rritjen e fondit librar dhe pasurimin e bibliotekës me tituj të rinj.
Ndërkaq autori Rrahim Sadiku potencoi se librat e tij i ka dhuruar për qytetarët mitrovicas me shumë dëshirë dhe të gjithë adhuruesve të librit, nga thellësia e zemrës ju dëshiron lexim të këndshëm.
