Ndihmën e Policisë e ka kërkuar gjatë ditës së djeshme edhe një grua 42-vjeçare në Mitrovicë, e cila e ka raportuar burrin me të cilin ka bashkëjetuar për vite me radhë.
Burimet nga Prokuroria kanë bërë me dije për Sinjalin se viktima, e cila ka një fëmijë nga bashkëjetesa me të dyshuarin, ka pasur telashe kohëve të fundit, pasi ai e ka kërcënuar përmes telefonit, duke i shkaktuar frikë e shqetësim.Përballë kësaj situate, ajo ka vendosur që ta denoncojë rastin, para se të ndodhë diçka më e keqe.
Si rezultat i denoncimit, Prokurori i Shtetit ka urdhëruar inicimin e rastit si “Dhunë në familje” dhe ndërmarrjen e veprimeve hetimore brenda afatit ligjor.
