Sipas informacioneve që ka Sinjali, të dyshuarit janë Dragan Milovic, Lije Elezovic dhe Zoran Kostic dyshohen se kanë kryer veprat e sanksionuara sipas Federatës Jugosllave, e cila ishte në fuqi në kohën e kryerjes së këtyre krimeve dhe sipas Kodit tonë Penal aktual.
Burimet e Sinjalit bëjnë të ditur se ndaj Milovic, Elezovic dhe Kostic është caktuar masa e paraburgimit prej 30 ditësh.“Prokuroria Speciale njofton se tre (3) të arrestuarit akuzohen për veprën penale ’Krimet e luftës kundër popullatës civile, veprime këto të sanksionuara sipas, nenit 142 dhe 22 të Kodit Penal të RSFJ, aktualisht e penalizuar me nenet 31 dhe 153 të KPRK, në kundërshtim me nenin 3 të përbashkët të 4 Konventave të Gjenevës, të datës 12 gusht 1949, të neneve 4 dhe 5 (1) të Protokollit 2 të datës 08 qershor 1977, shtojcë e Konventave të Gjenevës të vitit 1949, të gjitha rregullat e ligjeve ndërkombëtare në fuqi në kohën e konfliktit të armatosur në Kosovë..”, thuhet në njoftimin e prokurorisë.
