Sot gjatë ditës u raportua për dhunën që një i ri ia ka shkaktuar nënës së tij të moshuar, gjë e cila bëri qe kjo e fundit ta denoncojë rastin në Policinë e Kosovës.
32-vjeçari ka përfunduar në pranga dhe Prokuroria ka nisur hetimet ndaj tij.
Burimet e Gazetës Sinjali brenda Prokurorisë bëjnë të ditur se personi që u arrestua për dhunë në familje është E. Dansefa.
Sinjali mëson se gjithçka ka ndodhur mbrëmjen e së martës, ku 32-vjeçari kishte sulmuar fizikisht nënën e tij 69-vjeçare, duke i shkaktuar kështu lëndime trupore.
Ndërsa sipas burimeve, motivi që shtyu Dansefën për të kryer këtë vepër është një mosmarrëveshje qe kishte pasur me nënën, pasi ai i kishte shkaktuar dëme një divani.
Me vendim te prokurorit, Dansefës i është caktuar masa e ndalimit në kohëzgjatje prej 48 orësh.
