Qytetarët e Ferizajit kanë denoncuar në redaksinë e Gazetës Insajderi rritjen e çmimit të derivateve të naftës.
Disa prej kompanive kanë kaluar edhe shifren prej mbi 1 euro e 80 cent.
Qytetarët kanë lajmëruar se këtë veprime janë bërë nga kompania “Shell dhe “Fitorja”.
Kryetari i Shoqatës së Naftëtarëve të Kosovës, Fadil Berjani, ka thënë në emisionin Frontal në T7 se çmimet e karburanteve kanë rritur në të gjithë rajonin.
Ka shumë bujë të madhe sa i përket këtij sektori. Dihet se çmimet nuk janë vetëm tek ne në Kosovë të larta por në të gjithë globin. Në Kosovë përafërsisht 1 litër dizel 1.79 shitet ndërsa një litër benzinë 1.77”, tha ai.
Tutje ai tha se kompanitë e karburanteve në Kosovë po punojnë me humbje, prej vendimit të fundit të qeverisë që iu lë më së shumti 6% fitim.
Ju lutem. Duhet ta kuptoni se ne nuk i prodhojmë derivatet e naftës. Çmimet vijnë nga bursa BERZA dhe OPEC. Çmimi furnizues është 1.75 cent për litër dizel, çka do të thotë se po punojmë me marzhë të fitimi në humbje. Vendimin e kemi respektuar. Ka qenë gabim fatal ai vendim ku shumica e kompanive janë drejt falimentimit”, shtoi ai
Ai tregon edhe pse në disa vende të rajonit ka çmime më të ulëta, duke cekur se arsyeja është ndihma nga shteti. Ai bën thirrje që të hiqet akciza, edhe pse ka shtuar se këtë kërkesë nuk e ka bërë kurrë por që tani është bërë e domosdoshme.
