📍Në Kutllofc të Mitrovicës, takova Januz Abazin dhe u njoha nga afër me aktivitetin e tij blegtoral, duke nisur kështu këtë të diel me energji pozitive.
👨🌾Januzi mishëron siç është më së miri shembullin e një fermeri e blegtori të zellshëm e punëtor! Ferma e tij numërom rreth 250 krerë dhi e dyfish po aq edha.
🥛🧀Januzi furnizon afaristë, restorane e qytetarë në përditshmërinë e tij me mish, qumësht të freskët e djath cilësor, bio e pa shtesa artificiale.
⛰🐐Kjo veprimtari, ka potencial të lartë për zhvillim duke qenë se relievi dhe klima që ofron Shala e Bajgorës i përshtatet kushteve të nevojshme si për mbarështimin e dhive ashtu edhe për prodhimin e përpunimin e qumështit e nënprodukteve të tij të cilësisë së lartë.
🐐Në lashtësi si Pirroja ashtu edhe më vonë Skënderbeu mbanin në përkrenaret e tyre brirët e dhisë që simbolizonin fatin dhe mbarësinë që do përcillte mbretin e gjithë mbretërinë. Dhia njëherit në mitologji njihet edhe si ushqyese e Zeusit, në kohën kur e ëma Rea, fshihej me të në shpellë.
🚜Ne jemi në finalizim të Programit për Zhvillim Rural 2022, Program ky i cili do të përbëhet nga një sërë masash të cilat do t’i kontribuojnë avancimit të kapaciteteve ekzistuese si dhe ngritjes së kapaciteteve të reja varësisht nga sektori.
🌾Nga ana tjetër përmes Programit për Pagesa Direkte 2022, kemi rritur përkrahjen për kokë gjedhi si dhe për drithërat, që i shërbejnë dhe lehtësojnë zinxhirin e furnizimit të veprimtarisë blegtorale e bujqësore.
Afër prodhuesve vendor! 🇽🇰
