Ish-nënkryetari i Komunës së Skënderajt, Nuredin Lushtaku është deklaruar së fundi mbi raportimet se ai dhe familjarë të tij, dyshohet të jenë përfshirë në një incident me policë të Kosovës, ku dy prej tyre kanë mbetur të plagosur.
Lushtaku thotë se i vjen keq për gjithë çka ndodhur mbrëmë dhe sipas tij pasojat kanë mundur të jenë edhe më të mëdha, për shkak të veprimeve abnoramle dhe agresive të të një polici, transmeton klankosova.tv.
Ndonëse kisha vendosur që të mos bëj deklaratë publike dhe çështjen ia kam besuar institucioneve ligjore, por për shkak të nxitimit të disa eksponentëve të caktuar të cilët çdo herë janë të gatshëm të bëjnë gjykime publike pa fakte, po flas detajisht për incidentin”.
”Më vjen keq për gjithë çfarë ka ndodhur mbrëmë, në përfshirjen në një inicident krejtësisht të panevojshëm, ku pasoja kanë mundur të jenë edhe me të mëdha për faktin e veprime abnoramle dhe agresive të policit Enver Smakiqi. Polici Smakiqi pa asnjë arsye ka përdorur armën mbrëmë dhe ka plagosur kolegun e tij, derisa qëllim cak kishte vëllaun tim Faton Lushtaku”, është shprehur ai citon gazeta Blic.
Lushtaku tutje ka deklaruar se nuk ka pasur armë mbrëmë e as nuk kanë përdorur ndaj policisë, por që polici është plagosur nga arma e kolegut të tij, çka thotë se kjo gjë do të dëshmohet.
