Gjykata vendos dy policët në Mitrovicë: Njëri denohet ndërsa tjetra lirohet
Gjykata Themelore në Mitrovicë ka shpallur aktgjykim dënues ndaj Rr.M – hetues në Stacionin Policor në Mitrovicë, duke e dënuar me 3 mijë euro gjobë për keqtrajtim gjatë ushtrimit të detyrës zyrtare. Ndërsa, zyrtarja policore T.M, është liruar nga akuza.
Aktgjykimi ndaj dy të akuzuarve, është shpallur më 12 shtator 2023 nga gjyqtari Xhemajl Jusufi.
Të dy zyrtarët akuzoheshin se në vitin 2020, duke keqpërdorur detyrën zyrtare ose autorizimet publike, kishin keqtrajtuar, frikësuar të dëmtuarin N.B., duke e cenuar dinjitetin e tij.
Në aktgjykimin e siguruar nga “Betimi për Drejtësi”, thuhet se i akuzuari Rr.M. fillimisht u dënua me gjashtë muaj burgim.
Ai obligohet të paguajë shpenzimet e procedurës gjyqësore dhe atë 50 euro në emër të paushallit gjyqësor dhe 20 euro në emër të fondit të viktimave të krimit.
Kurse, për të akuzuarën tjetër, shpenzimet e procedurës bien në barrë të mjeteve buxhetore të gjykatës.
Por, në mbështetje të nenit 44 dhe me pëlqimin e tij, ky dënim i zëvendësohet me gjobë në shumë prej 3 mijë euro.
Ai obligohet të paguajë shpenzimet e procedurës gjyqësore dhe atë 50 euro në emër të paushallit gjyqësor dhe 20 euro në emër të fondit të viktimave të krimit.
Kurse, për të akuzuarën tjetër, shpenzimet e procedurës bien në barrë të mjeteve buxhetore të gjykatës.
