Deri në momentin kur bokseri algjerian u diskualifikua, Krasniqi nuk po arrinte asesi të depërtonte që t’i arrinte pikët e fitorës.
Pas përfundimit të duelit, ku Krasniqi u shpall fitues, ai tha se emocionet e mëdha e mposhtën duke shtuar dhe se “Sot nuk ishte nata ime, shiu më demoralizoi pak”.
Ai reagoi edhe në llogarinë e tij në Instagram, ku shpehu edhe një herë falënderimet e tij.
“Falemnderit populli im, falemnderit Prishtinë, falemnderit Kosovë, për gjithë këtë përkrahje tuajën.Jam shumë i emocionuar dhe i gëzuar, fillimisht nga realizimi i ëndrrës sime për të boksuar para jush, e edhe më me fitoren e sontme timen dhe tuajën gjithashtu.Falenderoj çdo ekip e person të angazhuar në këtë mega projekt timin.I juaji, Robin Krasniqi”, tha Krasniqi.
Por, pjesa më e madhe e qyetarëve të vendit që e përcollën meçin nuk u pajtuan aspak me këtë fitore të cilën po e shohin të pamerituar, e edhe si njollë në karrierën e njërit prej bokserëve më të suksesshëm shqiptar.
