Gazeta Sinjali raportoi sot për një rast të sulmit ndaj zyrtarëve policorë në Mitrovicë, ku dy vajza po dyshohet se i kanë goditur policët brenda stacionit policor. Të dyshuarat janë arrestuar, teksa njëra prej tyre ka përfunduar në ndalim policor.
Siç mëson Sinjali, e dyshuara 18-vjeçare që u prangos nga Policia është Dafina Nuhi, e cila ka dalë para Gjykatës, ku është mbajtur seanca për caktimin e masës së sigurisë.
Burimet brenda Prokurorisë kanë bërë me dije se pas seancës të dyshuarës i është caktuar masa e arrestit shtëpiak, në kohëzgjatje prej një muaji.
Ndryshe, dy të dyshuarat, njëra prej tyre e mitur, kanë sulmuar policët, duke iu shkaktuar atyre lëndime trupore, për motive akoma të panjohura.
Pas përfundimit të procedurave policore, Prokurori i Shtetit ka urdhëruar që të dyshuarat të hetohen nën dyshimet për kryerjen e veprës penale ‘Sulm ndaj personit zyrtar’.
Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.
