Kryetari i Komunës së Mitrovicës, Agim Bahtiri, së bashku me drejtorin për Kulturë, Rini dhe Sport, Tafil Peci, kanë pritur në takim ministren, Vlora Dumoshi, e cila ishte e shoqëruar nga një pjesë e stafit të MKRS-së.
Gjatë këtij takimi është diskutuar për projekte të ndryshme në fushën e kulturës, trashëgimisë kulturore dhe sportit që do të realizohen nga MKRS në Mitrovicë, me theks të veçantë lidhur me investimet në stadiumin olimpik “Adem Jashari”, në vlerë mbi 12 milionë euro, investimet në stadiumin “Riza Lushta” në vlerë 250 mijë euro, ndërsa do të realizohen 7 projekte në fushën e kulturës, 12 projekte për organizatat rinore si dhe 36 projekte të tjera për OJQ-të në Mitrovicë.
Kryetari Bahtiri, e falënderoi ministren Dumoshi, për vizitën si dhe për gatishmërinë e treguar për ta mbështetur me investime komunën tonë, me theks të veçantë në projekte të cilat janë të nevojshme dhe në dobi të qytetarëve, me synimin që të avancohen me tutje fushat e kulturës e sportit në qytetin tonë.
Ndërkaq, ministrja, Vlora Dumoshi ka thënë se kjo ministri do të vazhdojë me investimeve në fushat e kulturës, rinisë dhe sportit duke inkurajuar të rinjtë dhe shoqëritë civile që të aplikojnë në programet që ka MKRS-ja për rininë, qoftë në programet e trajnimit për ndërmarrësi, në programet start-up, dhe në të gjitha thirrjet tjera.
Më tutje, ministrja Dumoshi e shoqëruar nga kryetari Bahtiri, ishin në vizitë në Universitetin e Mitrovicës “Isa Boletini”, me ç’rast kanë ndarë certifikata për studentët të cilët me sukses përfunduan trajnimin për aftësim në ndërmarrësi.
