Kryeministri i Kosovës, Albin Kurti ka thënë se ka marrë informacion se ditën e premte pritet që të organizohen protesta në veri të vendit nga serbët.
“Unë e pash mbrëmë që është mbajtur mbledhja e këshillit, sot me erdhi informacioni që po përgatitën protesta për pasnesër, unë nuk mendoj që protestat janë të duhurat. U bëjë thirrje qytetarëve serb ne Kosovë që të mos organizojnë e të marrin pjesë në protesta të tilla. Unë jam vet organizator i protestave, por në rrethanat gjeopolitike protestat nuk janë gjëja e duhur”, tha ai.
Në një konferencë për media, Kurti tha se protestat nuk janë të duhura ndërsa u bëri thirrje që serbët e Kosovës të mos bëhen pjesë e tyre.
Dje kryeministri Kurti ka komentuar fotografinë e publikuar në të cilën shihet presidenti serb, Aleksandar Vuçiq në takim me përfaqësues të institucioneve në Kosovë me Millan Radojqiq njeriun e kërkuar për korrupsion.
“Këtu njerëzit kryesor në këtë fotografi janë Rdaojqiq dhe Gashiqi, nuk është as Petkoviq. Ky që ndodhet në anën e djathtë të Vuciqit, Petkoviqi që është kryenegociator i Serbisë ky as për së afërmi nuk është i rëndësishëm sa Radojqiqi dhe Gashiqi, besa as zoti Jevtiq”, ka thënë Kurti.
