Për nder të Ditës Ndërkombëtare të Tokës 22 prill, Drejtoria për Mbrojtje të Mjedisit sot ka pranuar donacion 30 fidane (kumbulla japoneze) nga Finca International.
Këto fidane janë mbjellë sot nga drejtori për Mbrojtje të Mjedisit, Egzon Sadiku, së bashku me përfaqësuesit e degës së këtij institucioni, në hapësirat përgjatë Liqenit Akumulues në Mitrovicë.
Me këtë rast, drejtori Sadiku, pasi falënderoi përfaqësuesit e Finca International për dhurimin e këtij doancioni, ka thënë se prioritet i drejtorisë të cilën e udhëheqë ai është shtimi i sipërfaqeve gjelbëruese dhe krijimi i një mjedisi sa më të pastër në tërë territorin e qytetit.
Ai gjithashtu ka theksuar përpjekjet e tij së bashku me bashkëpunëtorë dhe vullnetarë tjerë që të kontribuojnë në rritjen e mirëmbajtjes së hapësirave gjelbëruese dhe vetëdijesimin e qytetarëve në ruajtën e ambientit.
