“Në vazhdën e vizitave në Komuna, sot takova Kryetarin e Komunës së Mitrovicës së Jugut Bedri Hamzën.
U pajtuam për rëndësinë e bashkëpunimit dhe bashkërendimit mes nivelit qëndror dhe atij lokal me qëllim të konsolidimit të sektorit të bujqësisë.
Me qëllim të tërheqjes së investimeve, në bashkëpunim me Komunën e Mitrovicës do të konsolidojmë një hartë me potencialin ekzistues për investitorë të mundshëm qoftë në prodhim apo përpunim.
Ministria e Bujqësisë do të investojë në sistem të ujitjes edhe në Komunën e Mitrovicës duke mundësuar kështu rritjen e produktivitetit dhe cilësisë së prodhimeve vendore.
Njëherit kërkova nga Kryetari Hamza bashkëpunim në monitorim dhe kontroll gjatë implementimit të programeve tona mbështetëse si dhe ndarjen e të dhënave dhe statistikave nga Drejtoria e Bujqësisë me qëllim që të krijojmë politika zhvillimore, të implementueshme e frytdhënëse.”
