Pothuajse çdo ditë Policinë e Kosovës raportohen raste të shumta të dhunës në familje, ku kryesisht viktima janë gratë që pësojnë nga bashkëshortët e tyre. Shumë prej tyre nuk i denoncojnë burrat në momentin kur përjetojnë dhunën për shkak të frikës. Një rast i tillë ka ndodhur edhe dje, në rrugën “Evlia Qelebia”, në Mitrovicë.
Sinjali mëson se rasti u zbulua kur gruaja shkoi në Strehimore bashkë me vajzat e saj, pasi ishte sulmuar në mesnatë nga bashkëshorti i saj, për shkak të një telefonate.
Burimet kanë bërë të ditur se i dyshuari e ka rrahur grua e tij, pasi dikush e kishte telefonuar atë në mesnatë. Kjo telefonatë e revoltoi burrin, i cili rrahu brutalisht viktimën, e cila për pasojë ka marrë lëndime në fytyrë, duar e kurriz.
Përballë këtij denoncimit që u bë në strehimore, ky institucion e njoftoi policinë, me ç’rast një njësi policore ka arritur ta prangos të dyshuarin, i cili më pas është intervistuar dhe me vendim të Prokurorit është ndaluar për 48 orë.
