Përmes fotografisë ku shiheshin dy fëmijët e tij në portofolin e tij, mitrovicasi Xajë Mustafa ishte bërë pjesë e shumë ballinave të mediumeve ndërkombëtare gjatë luftës së fundit në Kosovës.
Ai ka rrëfyer se fotoja ishte realizuar pasi që i kishte ardhur lajmi se dy fëmijët dhe bashkëshortja i kishin vdekur, por që shton se edhe këta të fundit ishin informuar se Mustafa ishte vrarë nga forcat serbe.
Bashkëshortja e ka ditur për mua që jam i vrarë, por edhe unë për gruan dhe fëmijët sepse ashtu ishte propaganda e tyre për me bë panikë. Ata policia pas një 3 muajsh e kam marr vesh pak a shumë për rrethanat që janë gjallë diku pas 3 muajsh për njëri-tjetrin që ekzistojnë diku por vuajtjet nuk po harroheshin kurrë”, tregon ai.
Imazhi i kësaj fotografie, në emisionin “Info Nata” në Tëvë 1, ka rrëfyer momentet se kur ka kuptuar se fëmijët e tij janë gjallë dhe se lajmet për “vdekjen e tyre” ishin propagandë serbe.
Mustafa tregon se po qëndronte në Spitalin e Tiranës, momentin kur një fqinj i tij ia kishte kumtuar lajmin se fëmijët e tij tashmë janë gjallë.
“Unë në spital në Tiranë kam qenë atëherë, një kojshi i Broboniqit më ka njoftuar rastësisht dhe u ka thënë mjekëve që po e njohë se e kam kojshi edhe i kallxon djalit të vetë në Ulqin që ka mundësi me i tregu dikush që jam duke qëndruar afër tij, kur ai më tregon mua disi më thotë shiko: s’kisha thënë që janë vdekë por atëherë mua më humb kontrolli dhe për 43 orë s’kam mundur të vij në vete pa vetëdije, më ra ashtu në mënyrën që nuk isha hala fortë i sigurt a janë apo s’janë”, thotë ai.
Po ashtu, ai ka treguar edhe për momentin kur është bashkuar me fëmijët e tij, për të cilët thotë se djali ishte i pari që e kishte përqafuar.
“Diku më 24 qershor kur ka hyrë NATO, jam kthyer prej Shqipërisë jemi takuar për herë të parë në Mitrovicë. Më të parin e kam takuar djalin ishte duke luajtur në oborr dhe më pas nënën me gruan me fëmijë brenda, nuk e di me të tregu të vërtetën e kam parë dikur 8-9 metra nuk kam mundur me vrapu me u afru afër djalit por e shihja me sy nuk e besoja a është djali im ashtu ishin fjalët që janë të djegur të vrarë turli fjalë ndijshe si çdo i burgosur”, tregoi ai./teve1
