Së paku dy bankomatë janë instaluar në qendër të Zubin Potokut gjatë ditëve të fundit.
Bankomati i NLB bankës është vendosur në afërsi të ish-degës së Postës së Serbisë, e cila u mbyll në fillim të gushtit të këtij viti.
ATM-ja e dytë ndodhet në qendër të Zubin Potokut, në objektin ku është një dyqan ushqimor privat.
Ky ATM ende nuk ka asnjë shenjë bankare, transmeton Paparaci.
Pas mbylljes së Kursimores së Postës së Serbisë dhe pas tërheqjes së Bankës Komercijale të Serbisë nga vendbanimet me shumicë serbe në Kosovë, kjo do të jetë hera e parë që qytetarët do të mund të përdorin bankomat, por sigurisht vetëm për valutën euro, pas vendimit të Bankës Qendrore të Kosovës që praktikisht e ndaloi dinarin e Serbisë, shkruan portali ZubinPotok info.
Gjithashtu, sipas informacioneve jozyrtare, së shpejti pritet të hapet edhe filiali i bankës NLB në Zubin Potok.
