Rrjeti social TikTok po del të jetë mollë sherri i shumë përplasjeve, ngacmimeve e incidenteve të shumta. Përdorimi i madh i tij dhe shpërndarja e videove të ndryshme po iu nxjerrë edhe telashe të rinjve. Kështu ka ndodhur me një rast, që është denoncuar sot nga një qytetar në Mitrovicë.
Burimet nga Prokuroria kanë bërë me dije se një person ka kërkuar ndihmë për shkak të një postimi që është bërë në TikTok, ku është përdorur fotoja e tij dhe është shkruar “Pedofili në QTA ngacmon seksualisht të miturën”.
Shpërndarja e kësaj fotoje e ka shqetësuar në masë të madhe mitrovicasin, i cili e ka denoncuar rastin dhe ka dhënë deklaratën e tij para hetuesve policorë.
Si rezultat i denoncimit, policia është vënë në veprim dhe ka zbuluar se personi i dyshuar është një 17-vjeçar, i cili është shoqëruar në stacion policor për intervistim.
Ndaj tij, Prokurori i Shtetit ka urdhëruar masën e ndalimit policor, nën dyshimet se ka kryer veprën penale “Ngacmim seksual”.
