Në Ditën Botërore të Sindromës Down, drejtori i Drejtorisë së Shëndetësisë, Fahri Shabani, drejtori i Administratës, Gëzim Stavileci si dhe udhëheqësi i Njësisë për të Drejta të Njeriut, Fitim Rama, vizituan qendrën e Down Syndrome Kosova në Mitrovicë ku u pritën nga menaxheri i kësaj qendre, Gjeniz Beqiri, anëtarët, stafi i DSK-së dhe prindërit e fëmijëve me sindromën down.
Qëllimi i këtij takimi ishte për të bashkëbiseduar me udhëheqësit e shoqatës, dhe për të parë nga afër shërbimet që ofrohen aty për fëmijët dhe për të dëgjuar kërkesat për mbështetje institucionale.
Me këtë rast, drejtori i Shëndetësisë, Fahri Shabani, ka theksuar se kjo drejtori për të gjithë personat me down sindromen ofron mbështetje institucionale në fushën e kujdesit parësor dhe ofrimin e ndihmës shëndetësore.
Kurse, Gëzim Stavileci, drejtor i DA-së, ka thënë se kjo drejtori në kuadër të buxhetit të saj ka të planifikuar edhe mbështetjen financiare për këtë qendër në kuadër të subvencionimit që Njësia për të Drejtat e Njeriut ofron për OJQ-të e Mitrovicës.
Ndërsa, përfaqësuesit e kësaj qendre informuan përfaqësuesit komunal me programet e kësaj qendre, punëtoritë, dhe aktivitetet tjera që zhvillohen për t’i fuqizuar personat me sindromën down, me theks të veçantë shpalosen punën dhe angazhimin e fëmijëve të kësaj qendre në krijimin e kartolinave dhe çantave të cilat janë edhe një burim shumë i rëndësishëm për gjenerimin e të ardhurave për këtë qendër.
